Стандард
КРИПТОВАЛУТИ

Проценка на „Блумберг“ за биткоинот: Попрво ќе достигне 100.000 отколку да падне под 20.000 долари

На пазарот за криптовалути, Елон Маск е повторно во фокусот.

Неговите твитови беа повторно во фокусот на инвеститорите откако во последно време честопати имаше негативно влијание врз цените.

Твит од петокот, во кој тој даде до знаење (иако не директно) дека неговите патишта со биткоинот се разидуваат, брзо ја испрати цената на биткоинот за четири проценти пониска, проследена со пад на преостанатите криптовалути. Пораките на Маск се мета на критики од крипто-заедницата веќе некое време.

„Твитовите што влијаат на финансиската состојба на другите луѓе не се смешни, туку неодговорни“, напиша кинеско-канадскиот претприемач Чангпенг Жао, првиот човек на берзата на криптовалути Binance.

Биткоинот во моментов вреди нешто повеќе од 36.000 долари по големите флуктуации во мај. Дали корекцијата ќе продолжи или сегашната вредност ќе привлече доволно нови инвеститори? Моделот, развиен од пионерот за техничка анализа Ричард Вајкоф, се очекува да покаже значителна веројатност на пад на 20.000 долари, а финансискиот портал „Блумберг“ проценува дека БТК може да варира од 30.000 до 40.000 долари на некое време, а потоа да продолжи со големи движења и можеби да достигне шестцифрен број подоцна оваа година:

„Поверојатно е да достигне 100.000 долари отколку да падне под 20.000 долари.

Мислењата се разликуваат. За некои аналитичари, биткоинот е повеќе шпекулација отколку категорија за инвестиции. Инвестициска категорија е нешто што можете да го продадете во различни периоди, без оглед на цената. Аргументот дека пазарот е доволно ликвиден не е доволен. Да потсетиме, пазарот на државни обврзници во САД беше ликвиден до март минатата година.

Биткоинот сè уште немал навистина трауматично искуство, како да речеме, половина свет да остане без електрична енергија. Немало толку сериозен шок за ликвидност што би ја разнишал вербата во него. Веќе се научени лекциите од акции, обврзници и злато.

Сите тие ризици што инвеститорите во криптовалутите не сакаат да ги видат, сè уште постојат, пишува Seebiz.

Поврзани вести

Историски ден за Биткоин: Една паричка се тргува за 55.000 долари, пазарната капитализација надмина 1 трилион

Влатко Зорба

Ripple го раскина партнерството со MoneyGram

Влатко Зорба

XRP не е хартија од вредност, според Министерството за финансии на Велика Британија

Влатко Зорба