Искрената и директна комуникација е клучна за добар секс. Ова не мора да значи „валкани разговори“. Најважно е да се комуницира отворено. Кажете му на вашиот партнер што ви се допаѓа, а што не.
Доколку сакате фантастичен секс со партнерот, тој мора да се заснова на избор на вистинско време, добра комуникација, перцепција на сигналите и спонтаност, истакнува Беа Џафри, психолог.
Но, ако се прашувате како да ја збогатите интимната врска и што треба да направите за да го направите вашиот сексуален живот квалитетен и полн со задоволство, Џафри и швајцарскиот психијатар Мери Џо Рапини нудат одличен совет.
1. Искреност
Искрената и директна комуникација, според многу истражувања, е клучот за подобар секс. Ова не мора да значи „валкани разговори“. Отворената комуникација е најважна. Кажете му на вашиот партнер што ви се допаѓа, а што не. Овој начин на однесување за вас и вашиот партнер може да биде поучно и корисно искуство. Ако прават нешто што ви се допаѓа, кажете им. А ако, пак, е нешто што не ви се допаѓа, предупредете ги и однесете ги во друга насока што ја сакате. Сакате да пробате нова поза – предложете таква. Ако симултаниот оргазам ви е цел и сте блиску до кулминација, изразете ја.
2. Обезбедете доверба
Во една студија, објавена во списанието за сексуални истражувања во 2016 година, истражувачите ги анализираа одговорите на 39.000 хетеросексуални парови кои биле во брак или живееле заедно повеќе од три години. Повисоко ниво на сексуално задоволство покажуваат паровите кои откриле дека си даваат позитивни афирмации за време на сексот и биле отворени за оние непријатни моменти за време на сексот кога, на пример, се шегувале на нив и продолжиле со чинот. Овој опуштен и удобен пристап кон сексот е клучен, вели Џафри.
– Не сфаќајте го животот премногу сериозно. Среќните парови се смеат заедно – истакнува Беа.
3. Спонтаност
Ако западнете во монотонија, и постојано ја повторувате истата стара рутина за време на чинот, дури и одличниот секс може да биде уништен со текот на времето.
– Пробајте нешто ново што би сакале, нешто што сте го виделе, што сте читале, нешто што отсекогаш сте го замислувале и посакувале. Задевајте го партнерот, опуштете се, бидете храбри во кревет, сето тоа ќе помогне да се убие рутината – советуваат експертите.
Џафри исто така препорачува да го менувате времето и местото, за да го избегнете чувството на секс на распоред еднаш неделно.
– Пробајте секс на некои нови места. Направете го тоа можеби во автомобилот или на шанкот во кујната. Или што е со задниот ред во киното? Но, бидете внимателни, бидејќи сексот на јавни места е нелегален. Играјте улоги, капете се заедно… Бидете инвентивни, забавувајте се – предлага тој.
Врз основа на нови нешта се градат долгорочна желба и страст. Во спротивно, еротската енергија природно ќе згасне кај повеќето парови. Обидувањето нови работи е клучно за одржување на огнот запален и здрава врска.
4. Предиграта да започнува порано
Расположението за секс е од витално значење, особено за жените. Предиграта треба да започне многу пред да започне сексот, истакнуваат експертите.
– Тука мислам на менталната предигра која се случува со денови однапред, а не на онаа што ја имате непосредно пред сексот. Секогаш внимавајте на вашиот партнер. Малите гестови и коментари се важни за добро расположение за секс – вели тој. Препорачува и одржување на секси комуникација во текот на денот преку СМС, повик или е-пошта.
5. Поминувајте квалитетно време сами
За добар секс, треба да знаете што сакате во кревет. Единствениот начин целосно да го реализирате вашиот потенцијал и она што ве задоволува е да мастурбирате и да го истражувате сопственото тело. Мастурбацијата е здрава форма на самоистражување и треба да ја практикуваат сите, вклучително и оние кои се во врска. Истражувањата покажуваат дека мастурбирањето не ве тера да сакате помалку секс, туку напротив.
Поминувајте најмалку два дена во неделата уживајќи во сопственото тело – тоа ќе ви го подобри сексуалниот живот. Вашиот партнер не чита мисли, бидејќи кога точно знаете како сакате да ве допираат, можете подобро да ги пренесете вашите желби.
6. Оргазам пред пенетрација
Важно е да сте целосно возбудени пред било каква пенетрација. Кога се возбудува, вагината се шири и се навлажнува, што му помага на целокупниот секс и пенетрацијата да станат пријатни, а не болни или непријатни. Посветете му соодветно внимание и време на клиторисот. Доживејте оргазам пред пенетрација.
Жените најчесто доживуваат оргазам преку орален секс, допирање или секс играчка. Задоволете ја на тој начин. А ако подоцна доживее уште еден оргазам, уште подобро…
7. Проширете го вашиот вокабулар
Важноста на „валканиот разговор“ во комуникацијата е огромна и навистина прави голема разлика во разгорувањето и повторното разгорување на страста. Сепак, ова не е сосема лесно за оние кои се посрамежливи. За да го надминете ова, набавете секси литература која ќе ве инспирира и ќе ви даде идеи. Вежбајте го ова сами за време на мастурбацијата, а на крајот употребете „валкани разговори“ со партнерот и гледајте го неговото воодушевување.
8. Играчки
Начинот на кој паровите во долги врски дефинитивно можат да ги зачинат работите е со секси играчки и нови сексуални искуства. Без разлика дали се работи за вибратори, топки, лубриканти.. Направете ја атмосферата што најмногу ви се допаѓа, на пример со музика, а масажата нека биде дел од вашата сексуална рутина и играјте си наоколу.
9. Квалитет, а не квантитет
Не постои вистинска количина на секс на која треба да се придржувате. Тоа е само уште еден мит. Се додека и двајцата сте среќни, одлично ви оди. Не постои златно правило, а некои студии покажаа дека повеќе секс не мора да значи подобар секс и дека најсреќните парови имаат секс еднаш неделно.
10. Емпатија
Важноста на емпатијата често се потценува кога станува збор за сексот. Емпатијата е грижа и разбирање на чувствата на друга личност, а тоа е неверојатно важно во сексот. Кога ќе почувствувате дека вашиот партнер се грижи за вашето задоволство, повеќе ќе сакате да имате секс со него.
Погрешно е да внесувате премногу его во сексот, бидејќи ниту еден одличен секс не е себичен, односно во кој ужива само еден партнер. Затоа, фокусирајте се на сите тие позитивни емоции пред и за време на сексот – за тоа колку го/ја сакате, колку сте привлечени, колку е внимателен и слични чувства, пишува „Marie Claire“.