Илјадници луѓе се собраа на улиците на ирскиот град Бреј на последното збогување и погребот на музичарката Шинејд О’Конор.
Толпата положи цвеќе и пееше песни на оваа музичарка уште од рано утро, околу нејзината куќа во Бреј, приморски град во близина на Даблин, каде што живееше повеќе од една деценија.
Семејството организираше затворена, приватна служба, на која присуствуваше и претседателот на Ирска, Мајкл Д. Хигинс.
Во моментот кога колоната минуваше покрај нејзината куќа, по момент молк, имаше огромен аплауз, а насобраните почитувачи на нејзината музика потоа заедно ја испеаа најпознатата песна на оваа авторка „Nothing Compares 2 U“. Обожавателите оставија и голем број писма, свеќи и цвеќиња пред нејзината куќа.
Sinéad O'Connor's funeral procession was met with applause as it passed by her former home on the Bray seafront | Read more: https://t.co/3B5PZ9ujvi pic.twitter.com/kEYaYii3ML
— RTÉ News (@rtenews) August 8, 2023
Кога погребната поворка стигна до крајот на својата рута, до брегот, радиостаниците истовремено ја емитуваа песната „Nothing Compares 2 U“ во знак на почит, според претходниот договор.
Ирските и британските медиуми јавуваат дека меѓу насобраните бил и музичарот Боб Гладоф, а некои медиуми јавуваат дека во поворката бил и Боно од бендот U2.
Претходно на еден рид кај Бреј беше поставен огромен знак „Ирска ја сака Шинејд“, а откако беше објавена веста за смртта на пејачката, нејзините обожаватели секојдневно оставаат пораки и цвеќиња пред нејзината куќа.
Sinéad O'Connor's family have said that people will have an opportunity to pay their respects to the singer when her funeral cortege passes along the Bray seafront on Tuesday. Meanwhile, a tribute to her has appeared on Bray Head, Co Wicklow | Read more: https://t.co/OI8GDX0WQX pic.twitter.com/NyXXh0dXZJ
— RTÉ News (@rtenews) August 6, 2023
Пејачката почина на 56-годишна возраст, а точната причина за смртта се уште не е објавена.