📷Новиот холивудски пар ги потврди гласините со заедничко излегување

Иако веќе некое време се шпекулира за искри меѓу Џошуа Џексон и Лупита Нионго, едно излегување потврди се. Двојката оваа среда е видена како се држи за рака во Калифорнија, а фановите само чекаат актерите да потврдат се со некое заедничко појавување на црвениот тепих или можеби селфи.

Ѕвездата на „12 Years a Slave“ беше забележана со канадскиот актер на лежерна прошетка. Облечени во опуштени комбинации, парот изгледаше задоволно додека одеа и се насмевнуваа еден на друг.

Фотографиите на Џексон и Нионго се направени два месеци откако беше објавено дека 45-годишниот актер се разделува од 27-годишната актерка поради, како што рече, „непомирливите разлики“. Џексон, кој последните четири години ги помина во брак со Џоди Тарнер-Смит, најверојатно ќе го добие заедничкото старателство над нивната тригодишна ќерка Џени.

Пред бракот со Тарнер-Смит, канадскиот актер беше во врска со германската колешка Дајан Кругер, но раскинаа по 10 години.

Лупита Нионго и Џексон исто така беа видени заедно во октомври на концертот на Жанел Монае во Лос Анџелес, а уште тогаш изгледаше дека се забавуваат заедно.

Меѓутоа, во октомври актерката и ѕвезда на филмот „Black Panther: Wakanda Forever“ исто така објави дека и е скршено срце по раскинувањето со Селем Масеке. Имено, во објава на Инстаграм таа призна дека Масеке ја изневерувал и дека решила да се соочи со болката што ја чувствува.

Набргу потоа, како што изгледа, Џексон влезе во нејзиниот живот и ја натера да заборави на љубовните неволји.