Гласините сугерираат дека Huawei планира да влезе на пазарот на гејминг хардвер. Компанијата прво ќе започне со мал гејмерски лаптоп, кој се очекува да биде објавен кон крајот на оваа година.
По лаптопот, се очекува уште поинтересна најава – гејмерска конзола што ќе им конкурира на моделите Sony PlayStation и Microsoft Xbox. Нема детали за каква платформа ќе станува збор, но се очекува таа да не се базира на ARM како Nintendo Switch.
Можно е конзолата Huawei да користи AMD APU сличен на оној на тековните модели на PlayStation и Xbox. Сепак, Huawei исто така може да испроба нешто со свој дизајн (како чипот HiSilicon Kunpeng 920, базиран на архитектурата на ARM).
Минатата година, Huawei го објави GameCenter – центар за игри. Услугата користи Huawei Media Services за Android и содржи голем број Android игри.
Интересно, ова не би била првата конзола на Huawei. Компанијата ја издаде конзолата Трон во 2014 година, со Tegra 4 чип и Android 4.2 Jelly Bean платформа.