Рускиот фонд за перспективни истражувања започна со развој на иновативниот летечки автомобил „Циклокар“ со циклични пропели, кој е предвиден за шест лица, пренесе „Спутник“.
-Летот на првиот прототип на „Циклокар“, целосно опремен со електричен мотор, е планиран за 2022 година – соопшти прес-службата на фондот.
Летечкиот автомобил ќе може да превезува 600 килограми товар или да превезува шест лица. Главниот извршител на проектот е Институтот за термофизика на сибирскиот огранок на Руската академија на науките.
„Циклокар“ е дел од проектот „Циклон“ и веќе е направен прелиминарен дизајн на летечката машина. Извршени се теренски тестови на цикличен ротор со дијаметар од еден и пол метар, а се одржа и пробен лет на прототип од 60 килограми.
„Циклокар“ ќе биде долг шест метри и 20 сантиметри и широк шест метри. Неговата максимална брзина ќе биде до 250 километри на час. Дометот на летот е до 500 километри, односно може да лета без прекини од Москва до Нижни Новгород или Воронеж.
„Покрај компактноста, во споредба со хеликоптерите, карактеристика на уредот е можноста да слета на косина до 30 степени и да се закотви со вертикални површини“, рекоа во фондот.
„Циклокар“ е летало што останува во воздухот благодарение на цикличните потиснувачи. Главните предности на ваквите пропели се брза контрола на векторот на потисна сила за 360 степени, ниско ниво на бучава и компактност.
Цикличниот пропелер е еден од најсложените за дизајнирање на аеродинамички уреди, а шефот на проектната група на Фондацијата за перспективни истражувања, Јан Чибисо, научниците и инженерите на институтот Новосибирск успешно го решија овој проблем.
Како што појаснија во прес-службата на фондот, со „Циклокар“ ќе се управува како со автомобил.