СТАНДАРД life
ТЕХНОЛОГИЈА

Што ќе се случи со оние кои не ги прифаќаат новите правила на WhatsApp?

WhatsApp ни дозволи неколку недели да ги заборавиме полемиките што ги предизвикаа со објавувањето на новите правила за употреба, но потоа започнаа повторно со дополнителни појаснувања. Веќе видовме како објавија дека ќе додадат банер во рамките на апликацијата со информации за новите правила и ракувањето со приватни податоци, а сега и официјално објавија што ќе се случи со оние што не се согласуваат со новите правила.

Како што веќе знаеме, рокот за прием е поместен од првично планираниот 8 февруари на 15 мај. Ова, според WhatsApp, треба да им даде на сите доволно време да се информираат за промените што ќе влијаат врз нив (како што веќе напишавме, за граѓаните на ЕУ скоро нема да има промени затоа што се заштитени со GDPR).

Во случај корисникот да не ги прифати новите правила, WhatsApp нема да ја избрише неговата сметка, но значително ќе ја ограничи неговата функционалност. За кратко време по 15 мај (наводно неколку недели), корисниците кои не кликнале на „прифати“ ќе можат да добиваат повици и известувања само преку WhatsApp, но нема да можат да читаат или испраќаат пораки во рамките на апликацијата.

По овој период, преостанатите функционалности ќе се отстранат постепено и сметката ќе стане неактивна. За да ја активирате, само ќе биде потребно – се разбира – да се прифати новата политика за приватност. Ако не го сакате тоа, WhatsApp ве потсетува дека секогаш можете да ја преземете историјата на разговор и да ја избришете вашата сметка.

Поврзани вести

Кинески Unitree има морничаво реални роботи со четири нозе (ВИДЕО)

Влатко Зорба

Како вашиот смартфон ве шпионира? Сноуден објаснува! (ВИДЕО)

msp-admin

Amazon развива метод за плаќање со дланка

msp-admin