Многумина од нас се зависни од шеќер и тој е насекаде околу нас. Шеќерот не е само во обликот во кој го знаеме, бели коцки или кристали, туку го има и во бројни намирници, на што укажува внимателното читање на декларациите.
Тoа е една од состојките на храната кои создаваат најголема зависност, па не е ни чудо зошто е една од „четирите бели смртни случаи“. Неговото прекумерно консумирање може да доведе до дијабетес, срцеви заболувања и рак.
Истражувањата покажаа дека просечниот човек консумира најмалку 22 лажички шеќер дневно, што е шокантно ако се земе предвид дека препорачаната дневна количина е шест лажички.
За жал, некои шеќери во исхраната се кријат или се нарекуваат со различни имиња, како што се фруктоза, гликоза, сахароза, HFCS (пченкарен сируп со висока фруктоза), декстрин, декстроза, па затоа не е секогаш лесно да се детектираат.
Како да го исфрлите шеќерот од исхраната?
Ќе бидат потребни приближно 10 до 14 дена за да се запре желбата за шеќер, иако некои сметаат дека може да трае подолго, а некои се чувствуваат пократко. Самата сила на волјата не може да ја спречи желбата за шеќер, иако се зависи од количината на шеќер што една личност вообичаено ја консумира.
Како и во сè, првите денови ќе бидат најтешки, меѓутоа, телото полека ќе се прилагоди и по неколку дена ќе забележите дека вашето сетило за вкус веќе почнало да се менува, пишува „Healthy wealthy vida“.
Како изгледаат чекорите за повлекување?
1. Како прв чекор, престанете да купувате шеќер и засладувачи. Нема повеќе место за нив во вашата кујна.
2. Заменете ги газираните пијалоци со вода, незасладени чаеви или разредени овошни сокови (вода со нане и краставица или вода со лимета или лимон). Бидете внимателни со пијалоците „без шеќер“ бидејќи повеќето од овие пијалоци содржат скриени шеќери или хемиски засладувачи кои не се добри за вашето здравје.
3. Направете појадок богат со протеини. Нивото на инсулин е секогаш повисоко наутро, па ако се наполните со протеини и вашиот стомак е полн, избегнувате скок на шеќерот во крвта и затоа имате помала желба за нешто слатко во текот на денот.
4. Јадете многу здрави јаглехидрати. Не се сите јаглехидрати лоши, пробајте свежи бобинки и овошја кои имаат помалку шеќер како круши, сливи и јаболка. Пополнувањето со здрави јаглехидрати ќе ја намали желбата за шеќер, но исто така ќе ви помогне да изгубите тежина.
5. Јадете здрави масти. Митот дека мастите дебелеат не е точен, главно шеќерите и брашното се таложат на килограми. На телото му се потребни масти за да го контролира нивото на шеќер во крвта, а телото ги користи мастите за транспорт на витамини и минерали. Најдобри масти се кокосовото масло, маслиновото масло, јаткастите плодови и семките, како и омега-3 мастите кои се наоѓаат во органското месо, јајцата и органските морски плодови.
6. Гответе домашна и избегнувајте преработена храна бидејќи предизвикува голема зависност и содржат многу скриени шеќери.
7. Обидете се со ферментирана храна и пијалоци. Пијалоците како кефир, природните и незасладени јогурти или јадењето сирова кисела зелка се одлични начини за детоксикација, а исто така ќе ги смират болките од глад и ќе ви помогнат да изгубите тежина.
8. Планирајте ги грицките однапред и погрижете се секогаш да ги имате во чантата. Сите понекогаш се фаќаме и купуваме грицки за кои се вели дека се здрави, но кога подобро ќе ги погледнете, испаѓаат полни со шеќер. Спакувајте семки, јаткасти плодови, јаболка, бобинки итн.
9. Обидете се да вежбате за да го зголемите нивото на серотонин познат како „хормонот на среќата“ и кога вежбате, вашата желба за шеќер ќе се намали. Повисоките нивоа на серотонин ви помагаат да спиете подобро и да се чувствувате помалку под стрес.
10. Погрижете се да се одморате доволно. Ако се чувствувате под стрес или вознемиреност, нивото на кортизол ќе се зголеми и поголема е веројатноста да се предадете на желбата за шеќер. Обидете се со вежби за дишење кои ќе ви помогнат да се опуштите.
Дали ќе пробате некој совет?