Леќата не е многу посакувана намирница во исхраната на овие простори, но таа е полна со протеини и железо, а го регулира и шеќерот во крвта.
Можете да ја консумирате како чорба или како салата. Има многу вкусни рецепти и начини да ја подготвите.
Леќата има високо ниво на растворливи влакна
Влакната се раствораат во вода и создаваат мешавина слична на гел, која се движи низ нашето тело и помага да се отстранат некои од супстанциите поврзани со високиот холестерол – вели нутриционистката Џенифер Ханвеј.
Една шолја леќа може да обезбеди дневна доза на влакна, која е 26 грама. Растворливите влакна помагаат и во регулирањето на шеќерот во крвта, па затоа се одлични за дијабетичарите.
Леќата има и повеќе од 20 грама протеини во само половина шолја, што ја прави совршен прилог за ручек, особено ако сте вегетаријанец или веган. Можете да направите и многу вкусна салата.
Со консумирање на леќата можете да внесете калциум, калиум, цинк и железо, како и многу витамини од групата Б.
Салата од леќа
За салата се потребни околу 400 грама леќа.
Потопете ја леќата во ладна вода околу 2 часа, а потоа сменете ја водата и посолете ја, па варете додека не омекне.
За тоа време исечкајте свежа пиперка, една зелена, една црвена. Исецкајте еден кромид и изрендајте еден голем морков. Сето тоа се меша, па се додаваат сечкани 2 варени јајца.
Кога леќата е сварена, исцедена и изладена, додадете го сечканиот зеленчук.
Во мал сад истурете малку маслиново масло, сол, оцет и лажица сенф и сè убаво измешајте, а потоа прелијте ја со салатата од леќа.
ЗАБЕЛЕШКА:
Наместо дресинг, можете да ставите грчки јогурт во вашата салата. А по желба можете да додадете и варена пченка, секако и изборот на зеленчук зависи од вас. Ставете го она што ви одговара…
На здравје!