Аpple не брза да го претстави својот прв паметен телефон со поддршка за 5G технологија. Компанијата ќе почека до следната година пред да лансира iPhone со оваа опција. Аналитичарите дури очекуваат сите верзии на iPhone (2020) да имаат 5G модеми. Секако, ова нема да биде единственото подобрување на новите модели, бидејќи компанијата веќе работи на интегрирање на сензор за отпечатоци во дисплејот. Соодветниот модул ќе биде произведен од Qualcomm.
Според податоците објавени од „Economic Daily News “, претставниците на Apple ќе се сретнат со тајвански компании специјализирани за развој на екран на допир. Ова ќе се случи пред крајот на 2019 година. а главна тема ќе биде интеграцијата на сензорот за отпечатоци во iPhone (2020). Популарниот блогер Минг-Чи Куо исто така го дели ставот дека првиот смартфон на Apple со слична функционалност ќе биде пуштен во 2020 година, пренесува „BGR“.
Името на снабдувачот, со кој Apple ќе преговара во следниов период е GIS. Партнерството со Qualcomm не е случајно, бидејќи компанијата веќе снабдува слични модули за Samsung. Нема да биде изненадувачки ако iPhone (2020) користи ултразвучен сензор за отпечаток наместо оптички, бидејќи тие имаат неколку предности. Од една страна, тие се попрецизни во препознавањето и од друга страна гарантираат уште подобра безбедност на потрошувачите.