Директорката на Управата за јавни приходи, Сања Лукаревска денеска оствари средба со директорката на даночната администрација на Република Албанија, Делина Ибрахимај.
На средбата биле пренесени искуствата за проектот #MojДДВ.
Според Лукаревска, може да се заклучи дека Албанија е сериозно заинтересирана за воведување на иста ваква реформа, па затоа нејзините албански колеги имаа можност одблиску да се запознаат со начинот на функционирање на МојДДВ и целиот оперативен систем.
Со ова, Лукаревска нагласува дека МојДДВ ги докажува добрите резултати во и надвор од нашата држава.