СТАНДАРД life
КОМПАНИИ

„АстраЗенека“ го продаде својот удел во „Модерна“ за над милијарда долари

Британско-шведската мултинационална компанија „АстраЗенека“ го продаде својот удел од 7,7 проценти во „Модерна“ за повеќе од 1 милијарда долари откако акциите на американската биотехнолошка компанија пораснаа благодарение на пробивањето на пазарот на нејзината вакцина за коронавирус, објави лондонски „Тајмс“.

Во текстот на „Тајмс“ се забележува дека не е познато кога „АстраЗенека“ го продала својот удел во „Модерна“, со која планира да го продолжи партнерството во производството на лекови за други болести, пренесе Ројтерс.

„АстраЗенека“ би можела да ја продава комерцијално својата ковид-вакцина, развиена во соработка со Универзитетот Оксфорд, ако вирусот стане ендемичен, се додава во текстот.

„Модерна“, чија вакцина е одобрена за итна употреба против коронавирусот во САД, минатата недела објави дека очекува да ја продаде оваа вакцина во износ од 18,4 милијарди долари оваа година.

Поврзани вести

Елевејт глобал доби 100.000 евра од Бизнис Акцелераторот УКИМ

msp-admin

Вработениот Германец работи во просек 41 час неделно

Вработени велат дека е привилегија да се работи во овие 10 компании во 2021 година

Влатко Зорба