СТАНДАРД life
КОМПАНИИ

„АстраЗенека“ го продаде својот удел во „Модерна“ за над милијарда долари

Британско-шведската мултинационална компанија „АстраЗенека“ го продаде својот удел од 7,7 проценти во „Модерна“ за повеќе од 1 милијарда долари откако акциите на американската биотехнолошка компанија пораснаа благодарение на пробивањето на пазарот на нејзината вакцина за коронавирус, објави лондонски „Тајмс“.

Во текстот на „Тајмс“ се забележува дека не е познато кога „АстраЗенека“ го продала својот удел во „Модерна“, со која планира да го продолжи партнерството во производството на лекови за други болести, пренесе Ројтерс.

„АстраЗенека“ би можела да ја продава комерцијално својата ковид-вакцина, развиена во соработка со Универзитетот Оксфорд, ако вирусот стане ендемичен, се додава во текстот.

„Модерна“, чија вакцина е одобрена за итна употреба против коронавирусот во САД, минатата недела објави дека очекува да ја продаде оваа вакцина во износ од 18,4 милијарди долари оваа година.

Поврзани вести

АД ЕСМ продаде електрична енергија на слободниот пазар за 5.375.00 милиони евра

msp-admin

6G ќе ја замагли линијата помеѓу реалното и виртуелното

msp-admin

Над 144 милиони долари од извоз на автоделови од земјава