Земјите ширум светот инвестираа милијарди долари во вакцините против коронавирус годинава, а според германската ДЗ банка, следната година ќе биде уште подобра за тој пазар.
ДЗ банка проценува, врз основа на бројот на жители во светот и потребата да се примат две дози, дека годинава се потребни околу 6,6 милијарди дози вакцини, а следната година ќе бидат потребни дури 10 милијарди.
Експертите од ДЗ банка во студијата пресметале, врз основа на најавите за производство и цената на вакцините, дека обемот на пазарот на вакцини оваа година ќе изнесува 93 милијарди долари.
Тој финансиски „колач“ е поделена на четирите одобрени вакцини – Pfizer, Moderna, AstraZeneca и Johnson & Johnson, според германската банка.
Следната година, кога вакцините „Кјурвац“ и „Новавакс“ ќе бидат на пазарот, експертите на ДЗ банка проценуваат дека обемот на пазарната вредност ќе се зголеми на 217 милијарди долари.
Бидејќи очекуваат дека коронавирусот ќе биде присутен подолго време и дека ќе има потреба од „освежување“ на имунитетот со вакцина, експертите на ДЗ банка ги советуваат инвеститорите да инвестираат во вакцините.