СТАНДАРД life
ЕКОНОМИЈА

Светска банка: Црна Гора во најсилна рецесија во регионот на Западен Балкан

Според последните проекции на Светска банка, Црна Гора ќе има најсилна рецесија во регионот на Западен Балкан, проценета на 12,4 проценти, што ќе резултира со пораст на јавниот долг, кој ќе го достигне највисокиот износ.

Регионалниот економски извештај на Светска банка наведува дека таквата силна рецесија, како што објави РТЦГ, главно се должи на нејзината голема зависност од туризмот.

Зголемувањето на јавниот долг на највисок износ бара цврсто фискално управување и управување со долгот во наредните години.

Под претпоставка дека пандемијата ќе биде ограничена до летото народната година, се предвидува силен економски раст во 2021 година, но, како што се наведува, нема да има целосно закрепнување на БДП пред 2022 година.

„Ќе биде клучно за Црна Гора да одржи силен тренд на намалување на долгот на среден рок и да остане на реформскиот пат за одржување на макроекономската стабилност и да овозможи силно и одржливо закрепнување“, вели Емануел Салинас, шеф на кабинетот на Светска банка за Босна и Херцеговина и Црна Гора.

Тој додал дека пандемијата ја изложила Црна Гора на клучните чувствителности, па затоа решавањето на многу од нив стана итно.

„Ова вклучува внимателно фискално управување преку зголемување на ефикасноста на јавната потрошувачка, овозможување на еднакви услови за приватниот сектор, што ќе ги зајакне претприемништвото, иновациите и широкиот раст, како и зајакнување на институциите, истовремено зголемувајќи ја нивната одговорност“, навел тој.

Поврзани вести

Берза ги исклучи од котација акциите на Карбо Нова и Агроплод

Влатко Зорба

ССМ: Мерки за помош на работниците, претпријатијата и јавните служби

Забрана за бензинци и дизел возила од 2030 година во Британија

Александар Петровски