Стандард
ЕКОНОМИЈА

Банките ќе чекаат нов законски рок за да ја пуштат државната помош

Банките барат законски измени со кои ќе се поместат роковите во кои се дозволува исплата на помошта од 6000 денари за лицата кои не ја добиле досега.

– Со цел успешно реализирање на еднократна финансиска помош од 6.000 денари, како дел од четвртиот пакет на антикризни мерки, банките максимално ги ставија на располагање своите ресурси и во согласност со Законот за финансиска поддршка (Сл.Весник 290/20 од 07.12.2020) во краткиот законски рок, до крајот на работното време на 25.12.2020 година вршеа распределување на добиените средства на трансакциските сметки на граѓаните. Во овој краток период успешно беа исплатени над 90 отсто од корисниците на финансиската помош, информираат од Македонската банкарска асоцијација (МБА).

Од Владата вчера апелираа до банките да има поголема толеранција и исплатата да биде завршена до Нова година.

-Помошта од 6.000 денари ќе ја добијат сите. Тоа што доцнеше донесувањето на Законот во Собранието ги предизвика непријатностите. Владата стори се помошта да стигне до оние за кое е наменета, а целта е никој да не биде изоставен, рече вчера на прес-конференција портпаролот на Владата Душко Арсовски.

Еднократната помош се однесува на граѓаните со низок доход, корисници на пензија, корисници на право на социјална сигурност на стари лица, млади лица на возраст од 16 до 29 години, самохран родител, деца без родители и родителска грижа, уметници и други лица кои вршат дејност во културата, филмски работници и естрадни уметници, со пресек на 27-ми септември, односно денот кога беше објавен четвртиот пакет на економски мерки.

Поврзани вести

Оштетени штедачи: Каде Николче Петкоски поклони 1,2 милиони евра пари од оштетените депоненти на „Еуростандард“?

Влатко Зорба

Линијата Загреб-Скопје повторно се воведува од 13 јули

Работниците во четврток излегуваат на улица

Влатко Зорба