Стандард
ЕКОНОМИЈА

Дизелот поскапува, цената на бензините останува иста

Дизел горивата од ноќеска на полноќ поскапуваат за половина денар по литар, а цената на бензините останува иста, одлучи денеска Регулаторната комисија за енергетика и водни услуги (РКЕ).

Со одлуката се врши зголемување на малопродажните цени на нафтените деривати во просек за 0,26 отсто.

Новата малопродажна цена на ЕУРОДИЗЕЛ (Д-Е V) изнесува 59 денари за литар, а на Екстра лесното масло за домаќинство (ЕЛ-1) 58,50 денари. ЕУРОСУПЕР БС-95 и понатаму ќе се продава за 67, а ЕУРОСУПЕР БС-98 за 69 денари за литар.

Со одлуката на РКЕ за 0,149 денари за килограм се намалува малопродажната цена на Мазутот М-1 НС и сега ќе изнесува 34,443 денари.

Како причина за промена на малопродажните цени на нафтените деривати од РКЕ ги посочуваат зголемените референтни цени на светскиот пазар во изминатите седум дена кај бензинот во просек за околу 1,243 отсто и кај дизелот за околу 2,111 отсто, како и за 0,524 отсто понискиот курс на доларот во однос на денарот.

Поврзани вести

НУК: Ако има локдаун пресметките говорат за загуби вредни од 18 до 22 милиони евра

Ангела Веселиновска

Арсовска: Приватниот сектор очекува тешка 2020 година

Никола Поповски

Меморандум за соработка со Bechtel&Enka за изградба на автопатските делници Тетово – Гостивар – Букојчани, Требеништа – Струга – Ќафасан и Прилеп – Битола

Влатко Зорба
error: Превземањето на содржина без дозвола од авторот е дело казниво со закон!!!