Европската централна банка (ЕЦБ) претстави дополнителна програма за откуп на обврзници од 750 милијарди евра по итен состанок на одборот во средата навечер, објави Ројтерс. Целта на овие активности е да се поддржи финансискиот систем во регионот и да се помогне економијата да се справи со тешката состојба во која се наоѓа.
Откупувањето на хартии од вредност ќе продолжи до крајот на 2020 година, при што ЕЦБ ќе укаже дека тие се подготвени да преземат понатамошни активности доколку е потребно.
„Одборот е целосно подготвен да ја зголеми големината на своите програми за набавка на средства по потреба и
колку што е потребно“, се вели во официјалното соопштение на институцијата.
На Твитер по состанокот, претседателката на ЕЦБ, Кристин Лагард изјави дека има намера да ги користи сите инструменти за да го заштити еврото, бидејќи не постојат ограничувања за ангажамнот во однос на валутата.
„Нема ограничување на нашиот ангажман кон еврото. Решени сме да го искористиме целосниот потенцијал на нашите инструменти во рамките на нашиот мандат“, рече таа.
Купувањето на обврзници од ЕЦБ треба да им помогне на земјите од еврозоната да издаваат нови заеми за да платат за програмите за поддршка на кризата, што тие ги започнаа бидејќи мора да ги задржат каматните стапки на многу ниско ниво.
ЕЦБ е посветена да игра улога во поддршката на сите граѓани и ќе обезбеди сите сектори да имаат корист од придружните услови за финансирање за да помогнат во борбата против шокот. Истото важи и за семејствата, деловните активности, банките и владите, се вели во соопштението.