Европската комисија (ЕК) предложи пакет од скоро 530 милиони евра дополнителна финансиска поддршка во рамките на Фондот за солидарност на ЕУ.
Помошта е наменета за 17 земји-членки, но и за Црна Гора, Србија и Албанија и со цел да се заштити јавното здравје во борбата против коронавирусот.
Комисијата наведува дека овие средства ќе го поддржат делот на јавната потрошувачка поврзана со медицинска и лична заштитна опрема, итна поддршка на населението и мерки за спречување, следење и контрола на ширењето на болеста.
Пакетот помош, исто така, вклучува 132,7 милиони евра авансно плаќање што веќе ги добиле Германија, Ирска, Грција, Шпанија, Хрватска, Унгарија и Португалија.
Предлогот на ЕК треба да биде одобрен од Европскиот парламент и Советот на ЕУ за да може да им се исплати финансиска помош на земјите кандидати.