СТАНДАРД life
ЕКОНОМИЈА

Компаниите што ќе користат помош за исплата на плати три месеци не смеат да отпуштат работници

Работодавците што ќе користат помош за исплата на плати три месеци не смеат да отпуштат работници. Ваква измена на уредбата за субвенционирање на придонесите од задолжителното социјално осигурување донесе Владата денеска на седница.

Уредбата дозволува да го намалат бројот на вработени, но само поради пензионирање или ако работникот си поднесе отказ, но во прецизно одреден процент.

„Се утврдува дека работодавецот што ќе користи мерка за субвенционирање исплата на придонеси од задолжителното социјално осигурување не смее да го намали бројот на вработени во април 2020 година, како и два месеца по нејзиното престанување (заклучно со август 2020 година), освен во оправдани услови дефинирани во Законот за работните односи, како пензионирање или откажување договор од страна на работникот, но не повеќе од утврдениот процент“, информираат од Владата.

Со оваа измена, како што додаваат од Владата, покрај можноста да се намали бројот на вработени со пензионирање или отказ од страна на работникот, работодавците ќе може мерката субвенција за исплата на плата да ја комбинираат и со други мерки за излез од кризата.

Поврзани вести

За кои фирми и занаетчии важи мерката од 14.500 денари месечно за секој вработен?

Берта Китинска

Бесими: Фискален стимул за заздравување, забрзан економски раст и фискална консолидација

Се ажурираат листите: На страницата kupuvamdomasno.gov.mk ќе може да проверите дали ќе добиете 6.000 денари

Берта Китинска