ЕКОНОМИЈА

Листа на држави најдобри за жени, еве како стои Македонија

Во новиот извештај којшто неодамна го објави светскиот бизнис магазин Ceoworld, Шведска е рангирана како најдобра земја на светот за жени. На овој список се наоѓа и Македонија којашто е рангирана на 47-мо место, зад Црна Гора што е на 46-то место, но пред Словенија којашто е 48-ма.

Од земјите од регионот, Грција котира најдобро на 28-мо место, на 36-то место се наоѓа Србија, Хрватска е 40-та, две места подолу е Бугарија, Албанија на 44-то место, Турција е на 60-то место, додека Босна и Херцеговина е неколку места подолу на листата, односно 70-та.

На второто и третото место се наоѓаат Данска и Холандија, а осум од првите десет земји најдобри за живот на жените се европски земји.

На последните места се наоѓаат африканските држави како Централноафриканска Република, Сомалија и Чад.

Врз основа на анкета на 256.700 жени ширум светот, магазинот Ceoworld ја објави својата годишна оценка за најдобри земји за жени.

За да се направи список на земји што се најдобри за животот за жените, 156 земји добија оценки преку девет атрибути: родова еднаквост, процент од законодавниот мандат на жените, чувство на сигурност (жени над 15 години одговорија на прашањето дали се чувствуваат безбедно одење сами улица), еднаквост во приходот, грижа за човекови права, зајакнување на жените, просечен период на образование на жени, жени постари од 25 години кои се платени за својата работа и вклучување на жените во општеството.

Поврзани вести

Атанасов: СДСМ исплати 381,6 милиони евра за земјоделците

Александар Петровски

„Виз Ер” ја продолжи суспензијата: До 13 јули нема да има летови до и од земјава

Битиќи: Во септември ќе биде донесен четвртиот пакет на економски мерки

Берта Китинска

САД конечно добија „Лидл“, купувачите шокирани (ВИДЕО)

Во Канада бензинот е поевтин од водата

Stefanija Kuzmanovska

Богатството на најбогатиот човек во светот Џеф Безос достигна рекордни 180 милијарди американски долари