Стандард
ЕКОНОМИЈА

Удар на најголемата компанија за преработка на месо во светот: Хакери создадоа хаос

Извршен е сајбер напад врз најголемата компанија за обработка на месо во светот „ЈБС“, што го наруши производството на месо во САД, Канада и Австралија и принуди многу работници да останат дома.

Нападот се случил во неделата и билнасочен кон серверите на компанијата во Северна Америка и Австралија, се наведува во соопштението на американскиот огранок на ЈБС.

Компанијата појасни дека нејзините резервни сервери не се погодени, а експертите се обидоа да го вратат системот во функција што е можно поскоро. Компанијата додаде дека нема докази дека податоците за клиентите, добавувачите или вработените биле загрозени.

Австралиската радиодифузна корпорација (ABC) објави дека се откажани бројни испораки на добиток во државата Квинсленд, поради што камионите натоварени со говеда морале да се вратат.

Според извори на австралиска телевизија, месарите ќе бидат затворени на неодредено време.

Ендру Фоден, шефот на австралискиот синдикат на вработените во месната индустрија во Тасманија, изјави дека илјадници работници во индустријата за преработка на месо низ целата земја се испратени дома за хакирање.

ЈБС има 47 објекти и вработува околу 11.000 луѓе во Австралија, според АП.

Извршниот директор на „JBС Australia“, Брент Иствуд, за „Биф Централ“ во неделата изјавил дека не може да каже колку ќе трае прекинот во работата на компанијата.

Федералниот министер за земјоделство Дејвид Литлпрод за радио „АБЦ“ изјавил дека владата тесно соработувала со ЈБС и дека е рано да се каже дали компанијата за пакување месо е погодена од ренсомвер-напад.

Ренсомбер е вид на малициозен софтвер кој е дизајниран да блокира пристап до компјутерски систем. Хакерите тогаш бараат откуп – обично во крипто валута – во замена за враќање на пристапот.

Штетата е нанесена и на експозитурите на ЈБС во САД и Канада, пренесува РТ.

Да потсетиме, на почетокот на мај беше извршен сајбер напад врз најголемата американска компанија за трансфер на рафинирана нафта во САД „Колонијал пајплајн“, што предизвика големи проблеми низ целата земја.

Поврзани вести

Вредноста на акциите на европските берзи денеска се намали до најниското ниво во последните седум години

Бислимоски најави помош за заштита од енергетска сиромаштија за социјалните случаи

Берта Китинска

Девет од пријавените 10 конзорциуми се квалификувале за втората фаза за ХЕЦ Чебрен

Влатко Зорба