Стандард
КОМПАНИИ

Бафет: Купувајте злато, не Биткоин

Ворен Бафет го шокираше светот кога неговиот „Беркшир Хатавеј“ откри дека има огромен удел во канадската компанија за експлоатација на злато „Барик Голд“. Бафет има долга историја како противник за инвестирање во злато. Пред инвестицијата на „Беркшир“ во „Барик“, волшебникот од Омаха никогаш не инвестирал во редок жолт метал или во која било поврзана актива.

Бафет не е љубител на злато. Тој веројатно не донел директна одлука да инвестира во „Барик“, но фактот дека не му пречело е повеќе од доволно неговите обожаватели да одат по неговите стапки, пишува „The Montley Fool Canada“.

Од друга страна, Биткоинот повторно предизвикува лудило кај инвеститорите. Ако сте следбеник на Бафет, можеби се прашувате што мисли за тоа средство и дали треба да инвестирате во криптовалутата.

Бафет го нарекува златото непродуктивно средство, за кое вели дека со текот на времето не носи поврат. Обврзниците беа подобра инвестиција пред неколку децении, но „Беркшир“ се повлече од нив во последните години поради ниските каматни стапки. И сега се поставува прашањето дали Бафет не започна да претпочита злато од должнички хартии од вредност со фиксен приход.

Инвестицијата во „Барик“ беше изненадувачка, дојде во време кога цените на суровината беа над 2.000 долари. Од тогаш, сепак, цените на златото се вратија на нивото од 1.800 американски долари. Извештајот за третиот квартал на „Беркшир“ за 2020 година, исто така, открива дека Бафет ги намалил своите инвестиции во акциите на „Барик“ на околу 40% од првичниот.

Но што е со Биткоинот?

Биткоинот во јануари го достигна својот рекорд во историјата, скоро 40.797,61 УСД. Но, неодамна, криптовалутата направи ненадејно повлекување од 13% и за неколку дена падна на 35.595 долари.

Ненадејниот пораст и пад на вреднувањето на дигиталното средство е јасен знак дека не станува збор за инвестиција на која може да се потпрете за долгорочен раст на капиталот.

Иако многу инвеститори можат да ја третираат виртуелната валута како замена за златото како сигурно средство, Биткоинот нема опиплива вредност. Цените на криптовалутите целосно се потпираат на вербата на инвеститорите. Биткоинот е премногу непредвидлив за инвеститорите да се потпрат како одржлива долгорочна инвестиција.

Ворен Бафет дури во еден момент го спореди биткоинот со отров за стаорци. И покрај неговата позиција во однос на златото, одлуката на легендата да инвестира во „Барик Голд“ покажува дека тоа го смета за подобра инвестиција од криптовалутите.

Поврзани вести

Еуромакс: Ќе ги исцрпиме сите домашни и меѓународни правни лекови за Иловица

msp-admin

Основачот на Spotify ќе инвестира една милијарда евра во европски стартапи

msp-admin

„Боинг“ во криза, продолжува да го намалува бројот на вработените ширум светот

msp-admin
error: Превземањето на содржина без дозвола од авторот е дело казниво со закон!!!