Бил Гејтс, основачот на „Мајкрософт“ и неговата сопруга Мелинда, решија да стават крај на нивниот брак по скоро три децении заеднички живот. Тие имаат три деца и огромно богатство, а јавноста веднаш ја интересираше оваа вест – како славната двојка ќе го сподели големото богатство?
Покрај скапи автомобили, приватни авиони и вили, тие имаат вкупно богатство близу 150 милијарди долари. Исто така, заедно тие започнаа една од најголемите филантропски организации во САД – Фондацијата Бил и Мелинда Гејтс.
Иако јавноста повеќе се интересираше за Бил, неговиот бизнис и влијанија во општеството со години, Си-Ен-Ен бизнис сега е посветен на Мелинда. Открива како ќе ги троши своите пари во иднина, а овие 5 сектори се издвојуваат.
1. Зајакнување на жените и младите девојки
Ова е една од најважните теми за Мелинда, со која активно се занимава од 2015 година, кога ја започна компанијата за инвестиции и инкубација „Pivotal Ventures“. По тој повод, Мелинда рече: „Откако Бил и јас ја создадовме фондацијата, почнав да минувам време со жени ширум светот и да стекнувам многу подлабоко разбирање за прашањето на нееднаквоста“.
Посебен фокус на компанијата што ја основа е да привлече жени во клучните сектори како што е технологијата, но исто така и да охрабри повеќе жени да се кандидираат за јавни функции, од локално ниво па нагоре.
2. Ментално здравје
Преку нејзиниот ангажман во нејзината компанија „Pivotal Ventures“, Мелинда водеше неколку иницијативи за ментално здравје, главно фокусирани на млади луѓе. Во април, таа помогна во започнувањето на програмата „Sound It Out“, национална кампања што го промовира менталното здравје на средношколците.
Во октомври 2020 година, таа исто така го основа The Upswing Fund за адолесцентно ментално здравје, кој обезбедува ресурси на организации кои се однесуваат на потребите за ментално здравје на младите – со посебен фокус на не-белата младина и ЛГБТК + заедницата.
3. Вакцини и пристап до нив
Мелинда Гејтс беше многу гласна во врска со вакцините и пристапот до вакцините, особено откако избувна пандемијата Ковид-19. Таа за Си-Ен-Ен изјави дека „вакцина е потребна за сите“. Верува дека болеста ќе продолжи да се шири, доколку вакцината е достапна само за развиените земји со висок стандард.
Според неа, доколку вакцината против Ковид не е достапна за целиот свет ќе се соочиме со двојно повеќе смртни случаи, а светските економии побавно ќе закрепнат од последиците на кризата. Вкупно, Фондацијата Бил и Мелинда Гејтс обезбеди повеќе од 1,75 милијарди долари за поддршка на глобалниот одговор на ковид-19.
4. Сиромаштија
Да се извлечат луѓето од сиромаштија одамна е приоритет на Фондацијата Бил и Мелинда Гејтс. Таа дури напиша и статија за Си-Ен-Ен во 2018-та, во која рече дека „првиот чекор е да се осигури дека сите луѓе имаат пристап до дигиталната технологија, а до тој момент, милијарди од нив немале“.
Мелинда, исто така, се фокусира на тоа како сиромаштијата особено влијае на жените. Минатата година, таа исто така започна да работи на подигнување на свеста за контрацептивни средства и нивната достапност.
5. Платено отсуство
Преку „Pivotal Ventures“, Мелинда ги поддржа билатералните напори за унапредување на сеопфатната федерална политика за платено отсуство од 2016 година, инвестирајќи повеќе од 65 милиони долари во организации кои го застапуваат ова прашање.
Компанијата, исто така, соработува со национални кампањи кои работат на државно и федерално ниво, со цел да се залагаат за национална политика преку мобилизирање на гласачи, бизниси и други клучни актери.