СТАНДАРД life
КОМПАНИИ

Bosch и Microsoft ќе прават платформа за автомобили

Bosch ќе работи со Microsoft за создавање софтверска платформа за возила, се вели во официјалното соопштение. Со ова и двете компании се надеваат дека ќе ја подобрат својата позиција на брзорастечкиот пазар на електрични автомобили и возила без екипаж.

Користејќи облачна технологија, софтверската платформа ќе осигури дека управувачките уреди и компјутерите ќе можат да го имаат потребниот софтвер до крајот на животот, забележува Ројтерс.

Технологијата е базирана на Microsoft Azure и вклучува софтверски модули на Bosch. Двете компании планираат да ја користат софтверската платформа во прототипите на возилата до крајот на 2021 година.

„На овој начин, создаваме услови безжичните ажурирања да функционираат непречено и полесно на возилата како на паметните телефони“, рече управниот директор на Bosch, Маркус Хајн.

Минатата недела германскиот производител на автомобили Volkswagen објави слично партнерство со Microsoft. Проектот предвидува производителот на автомобили да ги користи облачните услуги на Microsoft за да ги насочи своите напори за развој на софтвер за автомобили што управуваат самостојно.

Поврзани вести

„Maserati Neptune“: Електричен суперавтомобил на иднината? (ФОТО/ВИДЕО)

Влатко Зорба

Ангеловска: Домашната платежна картичка поставува нови стандарди за работа и дебирократизација на институциите

msp-admin

Реклама којашто одлично ја опишува 2020 година

msp-admin