Автомобил: на гориво или на електрична енергија? Денес, многу возачи се соочуваат со ова прашање. Покрај личните преференци и нивните еколошки ставови, тие си го поставуваат и прашањето: која опција е поповолна од финансиска гледна точка?
Одговорот може да изненади многумина.
За да се разјасни прашањето, експертите во Германија споредија 17 позиции во класичниот погон со мотор со внатрешно согорување и електрична струја. Тие ги зедоа предвид сегашните премии за набавки и попусти, пресметувајќи ги трошоците за осигурување и гориво, електрична енергија и амортизација за различна годишна километража, пишува auto-press.net.
Во крајна линија – во 15 случаи електричната верзија е поевтина. Сепак, финансиската сметка работи само за оние кои имаат свој полнач и можат да полнат со евтина електрична енергија.
Финансиските разлики помеѓу употребата на електрични автомобили и оние со мотори со внатрешно согорување се обично мали.
На пример, ако имате избор помеѓу Golf 1.5 eTSI и ID.3 Pro, можете да ја возите електричната 10.000 километри годишно за 492 евра месечно, и истата должина со моторот со внатрешно согорување ќе ве чини 503 евра, но нема ограничувања во километражата. Разликата помеѓу електричната Mazda MX-30 и верзијата на моторот со внатрешно согорување е исто толку мала: со годишна километража од 10.000 километри, разликата е 32 евра месечно.
Во другите споредби, сепак, разликата во цената е поголема. Разликите од 50 до 100 евра месечно излегуваат брзо, особено кај луксузните автомобили. Возачот на Porsche Panamera 4S плаќа околу 330 евра месечно повеќе од возачот на E-Porsche Taycan 4S за 10.000 километри.
Предуслов за поголема придобивка на е-моделите, покрај ослободувањето од данок на возило, пред се можноста сами да го полните возилото. Бидејќи киловат час во домовите чини околу 28 центи (во Германија), додека на станиците за полнење на патишта може брзо да скокне до 49 центи. Електричната енергија е уште поскапа на станиците за брзо полнење.
Заклучок на студијата – во два од 17 случаи, моторот со внатрешно согорување е обично најевтиното решение, и покрај бонусите за набавка и сопствената станица за полнење. Ова е случајот, на пример, со BMW X3, кој се натпреварува со iX3, и со Volvo XC40, кој исто така го надминува својот електричен брат според трошоците.