Деновиве има многу полемики во врска со платформите за комуникација, како што е WhatsApp, кој одлучи дополнително да „ѕирне“ во приватноста на корисниците од 8 февруари оваа година.
Имаше немири, многу познати личности повикаа на бојкот на WhatsApp, а меѓу другите – Елон Маск, кој објави на Twitter пред неколку дена: „Користете Signal“, повикувајќи се на комуникациската платформа.
Турција исто така започна истрага против апликацијата во сопственост на Facebook, со што се зголеми побарувачката за локални слични платформи.
Од друга страна, повеќе од 500.000 Американци ја презедоа руската апликација Telegram, за само четири дена, по гасењето на Twitter профилот на Доналд Трамп и отстранувањето на апликацијата Parler. Telegram стана втора најбарана апликација во САД, откако Американците бараат алтернатива за големите корпоративни социјални мрежи.
Аналитичарите собрани од „РТ“ дискутираа и за Telegram и Signal. Ривалските апликации сега, велат тие, се преземаат од продавницата милиони пати низ целиот свет.
Џефри Такер од Американскиот институт за економски истражувања за РТ изјави дека ова што се случува сега е „величествен момент“ во историјата на технологијата.
Наведува дека луѓето, конечно, по 20 години игнорирање на условите и одредбите, разбраа што прават овие компании, т.е. тие кренаа колективен глас против нивната деловна политика.
Корисниците ја губат довербата во социјалните мрежи и платформи, и ова е цехот кој ќе треба да го платат гигантите, бидејќи нивното нарушување на приватноста очигледно зема преголем интензитет. Такер заклучува дека „луѓето веќе не веруваат толку лесно во технолошките компании“.