СТАНДАРД life
КОМПАНИИ

Кафеани во Виена нудат бесплатен простор за учење

Поради мерките за спречување на пандемијата во австриската престолнина во овој момент се затворени кафеаните. Неколку од нив сепак се отворени, но не за гости кои ќе пијат кафе или ќе ручаат, туку за учење.

Во соработка со виенската градска управа, неколку кафеани покренале иницијатива во рамки на која својот простор бесплатно го ставаат на располагање на студенти и ученици кои во својот дом немаат соодветни услови за непречено учење или следење на онлајн настава. Својот термин за учење можат да го резервираат преку интернет, а во зависност од големината на кафеаната, се одредува максималниот број на ученици и студенти кои смеат да бидат присутни. Помладите од 15 години мора да имаат придружба.

Во кафеаните, како што пренесува Seebiz, е забрането послужување храна и пијалаци, но учениците можат да си понесат нешто од дома.

Иницијативата се очекува да трае до Божик, но ако има интерес може да се продолжи.

Поврзани вести

Битиќи: Поднесени се 34.000 апликации за финансиска помош за компаниите

msp-admin

Од 2035 година, ГМ ќе произведува само електрични автомобили

Влатко Зорба

4 начини на кои Бајден ќе се обиде да ја спаси американската економија

Влатко Зорба