СТАНДАРД life
КОМПАНИИ

Кинески технолошки компании планираат да се натпреваруваат со Google Play

Кинеските технолошки компании Xiaomi, Huawei, Oppo и Vivo планираат да создадат единствена продавница за апликации, објави Ројтерс.

Четворицата главни играчи на пазарот за комуникации и електроника ќе се приклучат кон Global Developer Service Alliance (GDSA). Програмери од целиот свет ќе можат да „хостираат“ и да продаваат игри, филмови, музика и апликации на уникатната платформа. GDSA на тој начин може да стане конкурент на услугата Google Play, забележува агенцијата.

На веб-страницата на GDSA се вели дека новата услуга за развивачи ќе биде достапна „во девет земји и региони, вклучувајќи ги Индија, Индонезија, Малезија и Русија“.
Како дел од алијансата, компаниите ќе ги искористат своите конкурентни предности на различни регионални пазари: Xiaomi – во Индија, Oppo и Vivo – во Југоисточна Азија, Huawei – во Европа. Според „Ројтерс“, новата он-лајн продавница би можела да се отвори во март.

Според консултантската фирма ИДЦ, Xiaomi, Huawei, Oppo и Vivo учествувале со 40,1% од глобалната продажба на мобилни телефони во четвртиот квартал од 2019 година.

Поврзани вести

ММФ ја зголеми својата прогноза за глобалниот раст

Влатко Зорба

Роналдо заработува повеќе од Инстаграм отколку од фудбал (инфографик)

msp-admin

Амазон постави термички камери во магацините за побрзо да ја мери температурата на вработените

msp-admin