Заменик министерот за економија Кирил Колемишевски денеска се сретна со Венко Глигоров и истакна задоволство од овозможувањето на PayPal во државата, но дека ќе се заложи и за продажба на македонските производи на странските пазари, со оглед дека оваа услуга е само достапна за купување на странски производи од граѓаните на нашата земја.
„Одлична средба денес со Венко Глигоров, еден од нашите најискусни претприемачи и претставникот на приватната иницијатива за воведување на PayPal и останати платежни процесори.
Како што е познато, PayPal е овозможен во државата за купување на производи од странство, но нема можност за продажба на македонски производи на странските пазари.
Преку овозможување на PayPal, сметам дека има голем потенцијал за македонската економија, нашите производи и услуги да се најдат на светскиот пазар. Ова особено е корисно за микро и малите фирми, поединците и професионалците, чии услуги и производи се барани во Европа и светот.
Заедно ќе се заложиме овој сегмент од македонската економија да го динамизираме и да овозможиме услови за зголемен извоз на македонските производи и услуги.
Ги повикувам претприемачите, бизнисмените и луѓето со храбри идеи, да ме контактираат за презентирање на идеите и мерките, бидејќи сите сме дел од тимот кој треба да ја подобри македонската економија“, сподели Колемишевски.