FAATMAN е кратенка која се повеќе се користи за седумте најголеми и најпознати технолошки компании – Facebook, Alphabet, Amazon, Tesla, Microsoft, Apple и Netflix, а во просек овие технолошки компании генерираат неверојатни 416.768 долари секоја минута.
Акциите на FAATMAN имаат колективна пазарна капитализација од 8,3 трилиони долари, а нивниот крај сè уште не е на повидок. И додека пандемијата сруши на колена многу компании и претприемачи, тоа не е случај кога станува збор за седумте величествени. Инфографикот подолу, што го обезбеди Visualcapitalist, покажува колку заработува секој од нив во минута.
И додека најмалиот од нив, Netflix, заработува само 50 долари во минута, Amazon заработува скоро милион долари за шеесет секунди.
Facebook сè уште се соочува со проблеми со приватноста, но се чини дека тоа не влијае премногу врз нивниот бизнис. Последниот квартал на Facebook беше најдобриот што компанијата го остварила, со приход од 27 милијарди долари.
Alphabet, матична компанија на Google, ја заврши 2020 година со приходи од 182 милијарди долари, додека од YouTube заработија околу 20 милијарди долари.
Иако американскиот пазар е сè уште најпотентен за Amazon, на овој гигант му оди добро и на другите светски пазари. На пример, во 2020 година тие генерираа 20 милијарди приходи само во Јапонија и 29 милијарди долари во Германија.
На бранот на биткоин и зголемената побарувачка за електрични возила, Tesla на Елон Маск стигна до престижната листа S&P 500, а по патот, тој влезе меѓу најбогатите луѓе во светот. Во еден момент, Маск го престигна Безос на првото место на листата на најбогати, но благ пад на биткоинот го врати на второто место.
Microsoft има втор најголем удел од сите BigTech компании со неверојатна пазарна капитализација од 1,75 трилиони долари. Нивниот разновиден деловен опсег ги вклучува Bing, LinkedIn, Xbox и нивната услуга Azure cloud computing.
Apple заработи 15,7 милијарди долари приходи во првиот квартал на 2021 година, а приходите од продажба на Mac и iPad придонесоа со околу 8 милијарди долари. Покрај тоа, нивната категорија за носење и апарати за домаќинство оствари приход од 12,9 милијарди долари.
Netflix, како најмалиот од FAATMAN, добро профитираше од пандемијата, така што овој стриминг сервис го поздрави крајот на 2020 година со 52 милиони нови претплатници и сега има неверојатни 203 милиони „гледачи“ дневно.
Комбинираната пазарна капитализација на акциите на FAATMAN сега изнесува над 8 трилиони американски долари, и да се стави во перспектива треба да се каже дека ова е приближно еквивалентно на БДП на Германија, Канада и Франција заедно.
