Коронавирусот ги откри „катастрофалните ефекти“ од игнорирањето на долгорочните ризици како што се пандемиите, а економските и политичките последици може да предизвикаат многу кризи во наредните години, предупредува Светскиот економски форум (СЕФ), пренесе „Блумберг“.
Годишната студија на СЕФ за глобалните ризици ги идентификува заразните болести и средствата за егзистенција како „најјасни и најактуелни закани“ во следните две години. Индиректните ефекти како што се инфлацијата на некои средства и нестабилноста на цените се меѓу водечките ризици во следните 3-5 години.
СЕФ посочува дека повеќето земји наишле на тешкотии во борбата против пандемијата, и покрај некои значајни примери на одлучност и соработка. Овие примери потенцираат како лидерите можат подобро да се подготват за следниот голем шок.
„Непосредните човечки и економски загуби од Ковид-19 се сериозни“, се вели во извештајот на СЕФ.
„Последиците – во форма на јавни немири, политичка фрагментација и геополитички тензии – ќе ја обликуваат ефективноста на нашите одговори на другите клучни закани во следната деценија.
Додека влијанието на пандемијата е доминантно во моментот, други настани веројатно ќе дојдат до израз, се вели во студијата. Како и во минатото, екстремните временски услови се сметаат за најверојатен ризик. Заразните болести се меѓу првите пет ризици веќе најмалку една деценија. Дигиталната нееднаквост и концентрацијата на дигиталната моќ исто така се сметаат за големи проблеми.
Препораките на СЕФ за зголемување на одржливоста вклучуваат борба против дезинформации, особено по појавата на вакцини за коронавирус. СЕФ наведе пример за лажни информации дека голтањето на високо концентриран алкохол го убива Ковид-19 и резултираше во повеќе од 700 смртни случаи и скоро 6.000 хоспитализации во Иран.
Форумот исто така препорача „холистичка“ (сеопфатна) анализа на ризик, како и проучување на нови форми на управување со ризик.
„Ако лекциите од оваа криза само ги информираат носителите на одлуки за тоа како подобро да се подготват за следната пандемија, наместо да ги подобруваат способностите и културата за управување со ризици, светот повторно нема да може да одговори на следната криза“, рекоа тие. од СЕФ