За еден извршен директор кој не прима плата, приходот на Елон Маск во 2020 година се искачи на невидени височини, пишува Си-Ен-Ен Бизнис.
Имено, тој доби четири опции да купи 8,4 милиони акции на Тесла во текот на 2020 година, според правото на вработените во компанијата да купуваат акции по цена пониска од пазарната цена, а по одземањето на цената на акцијата, тие блокови опции би биле индивидуално вредни 6,2 милијарди долари според завчерашната затворена цена на акциите на Тесла на берзите.
Вкупната вредност само на тие опции од 24,8 милијарди долари е поголема од активата на имотот на Маск пред една година, кога Форбс го рангираше на 31-то место меѓу светските милијардери.
И 2021 и 2022 година може да бидат подеднакво профитабилни за него, очекува Си-Ен-Ен Бизнис.
Имено, аналитичарите сега проценуваат дека финансиските резултати на Тесла во 2022 година, исто така, ќе му овозможат на Маск три дополнителни блока опции. Тесла би можела да постигне една од тие профитни цели во 2021 година, што значи дека шефот на Тесла може да го изедначи износот на ваквите опции што ги доби минатата година.
Ретко кој инвеститор се жали за тоа колку добива Маск
Акциите на Тесла пораснаа за 743 проценти во 2020 година, што го прави најголем победник на пазарот на капитал, како и една од највредните компании во светот. Тоа ги замолкна потенцијалните критичари на неговите навистина зачудувачки приходи.
За разлика од Маск, Џеф Безос не доби опции за акции од Амазон, а во 2019 година тој имаше релативно скромен приход од 81,84 милиони долари, плус цената на неговото обезбедување се проценуваше на 1,6 милиони долари годишно. Тој најмногу има корист од зајакнувањето на своите акции на Амазон.
Маск на сличен начин поседува 170 милиони акции на Тесла, вредни околу 137,2 милијарди, освен што има опции за купување нови. Всушност, растот на нивната вредност од 123 милијарди долари во 2020 година далеку ја надминува вредноста на дополнителните опции што ги доби.
Маск, кој купи контролен пакет акции во Тесла во 2004 година кога беше стартап приватна компанија, години далеку од производството на својот прв автомобил, не добива плата. Доколку акциите на Тесла продолжат да растат, ќе расте и вредноста на неговите опции за купување на акциите на компанијата.
На крајот на мај, кога Тесла објави дека Маск го добил првиот блок опции за 2020 година, се проценуваше на „само“ 770 милиони кога ќе се одземе цената на акциите по кои можело да се купат. Денес, тие опции вредат 6,2 милијарди.
Сепак, Маск не користеше ниту една од овие опции. Маск никогаш не продал акции на Тесла. Извршните директори обично го прават ова кога сакаат да ослободат кеш, или кога опциите истекуваат.