Стандард
КОМПАНИИ

Почнува дупчењето во црногорскиот дел на Јадранот, се бара нафта и гас

Првото истражувачко дупчење за извлекување нафта во црногорското приморје започнува утре, во организација на руско-италијанската компанија „Ени-Новатек“.

Платформата за дупчење „Topaz Driller“ пристигна во Црна Гора во средината на март, а операцијата во морето недалеку од Улцињ треба да трае 180 дена. Министерството за капитални инвестиции на Црна Гора соопшти дека првото наоѓалиште на нафта ќе биде на длабочина од 6,525 метри, а тоа на гас на помала длабочина.

Владата очекува дека Црна Гора ќе има значителни придобивки и дека ќе биде една од водечките економски гранки што ќе ја намали зависноста на државната економија од туризам.

Концесионерите „Ени“ и „Новатек“ извршија 3Д-сеизмички истражувања на крајот на 2018 година, а во текот на 2019 година беа обработени собраните податоци, како и геолошки и геофизички студии. На почетокот на 2020 година заврши геомеханичкото испитување на почвата на микролокациите, со цел да се утврдат геомеханичките својства на морското дно.

Црна Гора досега склучи два договори за концесија за истражување и производство на нафта и гас, првиот со конзорциумот „Ени-Новатек“ во 2016 година и вториот со грчката компанија „Енергеан“ година подоцна. Компанијата, како што беше најавено, е во фаза на барање партнер за проектот.

Еколошките невладини организации веруваат дека истражувањето може да ја загрози животната средина, а нивната позиција е поддржана од жителите на Улцињ, туристички град со повеќе од 15 километри песочни плажи.

Поврзани вести

Битиќи: Успехот на домашните компании ќе се пресликува и во благосостојбата на нашето општество

msp-admin

Google го даде петок како слободен ден: Продолжен викенд за намалување на напнатоста!

msp-admin

„Јунајтед Груп“: „Теленор“ и „Телеком“ градат картел за уништување на слободните медиуми во Србија

Влатко Зорба