СТАНДАРД life
КОМПАНИИ

Производството на Volvo може да сопре за два до четири месеци

Шведскиот автомобилски концерн Volvo доживува многу сериозни тешкотии, објави „Блумберг“.

Компанијата, во сопственост на кинеската Geely, буквално пропаѓа поради глобален недостиг на полупроводници. Ова, исто така, остава празни многу фабрики за камиони. Главната причина за недостатокот е што производителите на чипови чуваат сè повеќе материјали за технолошки групи кои произведуваат паметни телефони, таблети и уреди за игри.

Во февруари, шведскиот производител рече дека на неговото производство не влијае недостигот на чипови, но додаде дека постои ризик „ова да се случи наскоро“. И еве…се случи.

Производството најверојатно ќе престане за две до четири недели, а пожарот во фабриката за чипови во Јапонија минатата недела придонесе за кризата. Излезе дека Европа е најтешко погодена, иако производството на камиони и техника на Volvo во другите делови на светот, како што се САД и Кина, ќе бидат ограничени.

„Ќе ни треба малку време да се вратиме на вистинскиот пат“, изјави денес портпаролот на Volvo, Клас Елиасон.

Утрово на берзата во Стокхолм, акциите на Volvo паднаа за 7,4% или под 218 шведски круни. Ова е најголемиот колапс на компанијата во последната година и според многу аналитичари во автомобилскиот сектор, ова е само почеток.

Неодамна, производителите на автомобили ширум светот се борат со недостиг на чипови во услови на голема побарувачка за камиони и автомобили. Што се однесува до Volvo, претстојното исклучување сигурно ќе доведе до огромни финансиски загуби.

Потсетуваме дека Volvo постави амбициозна цел до 2030 година да продава само електрични автомобили. Компанијата сака половина од автомобилите од 2025 година, кои тие ги нудат да бидат електрични, а другата половина – хибриди. Од очигледни причини, ова во моментов не важи за тешки товарни возила.

Поврзани вести

Истражување: Долгорочната невработеност во еврозоната ќе се зголеми во 2021 година

Влатко Зорба

PepsiCo ја удвои својата цел за намалување на влијанието на климатските промени

Влатко Зорба

Samsung ќе гради фабрика од 17 милијарди долари во САД

Влатко Зорба