СТАНДАРД life
КОМПАНИИ

Следи најголемото купување на акции во историјата?

Две третини од оние на возраст под 34 години во САД ќе инвестираат дел од чекот за помош вреден 1.400 долари на берзата, според „Дојче банка“.

Волстрит се подготвува за пристигнување на неколку милијарди долари свеж капитал оваа недела, што ќе го внесат малите инвеститори, откако парите од пакетот економски стимуланси „легнаа“ на нивните сметки денес.

Имено, американскиот претседател Џо Бајден одобри економски стимулативен пакет вреден вкупно 1.9 трилиони (1.900 милијарди) долари, вклучително и донации од 1.400 долари за возрасни Американци.

„Ванда Рисрч“ проценува дека малите инвеститори најверојатно ќе купат акции за три милијарди долари откако наведените пари од пакетот ќе им бидат префрлени на нив.

Во тој случај, дневниот промет би се зголемил за 1,5 милијарди долари во споредба со просекот од последните неколку месеци, пренесе „Пословни дневник“.

„Тоа ќе биде убедливо најголемо дневно купување на мали инвеститори досега“, изјави Ерик Лиу, директор за истражување на „Ванда Рисрч“, за „Фајненшл тајмс“.

„Дојче банка“ неодамна процени дека малите инвеститори со сметки на платформите за онлајн трговија ќе инвестираат повеќе од една третина од добиените стимулации во акции. Со текот на времето, на американската берза би влегле 170 милијарди долари.

Овие проценки добро одразуваат колку станаа значајни малите инвеститори на најголемата светска берза.

„Тоа е група која нема да инвестира во стимулации во реалната економија, туку во акции“, објаснува Ендру Слимон, виш портфолио менаџер во „Морган Стенли“.

Приливот на капитал на малите инвеститори, како и бројот на отворање нови брокерски сметки, нагло се зголемија откако парите од минатогодишните пакети со економски стимулации отидоа на сметките на граѓаните.

Така, во март 2020 година, сумата што малите инвеститори ја потрошија на акции скокна за 838 милиони долари над вообичаените нивоа. Кога дополнителниот пакет беше одобрен во декември, приливот на капитал се зголеми за 381 милиони долари над просекот.

Да потсетиме, стимулативниот пакет на Бајден е најголемиот износ на директна економска помош за Американците од почетокот на пандемијата. Аналитичарите сметаат дека помладите инвеститори ќе го водат овој бран на берзата.

Истражувањето на „Дојче банка“ покажува дека две третини од инвеститорите на возраст под 34 години планираат да потрошат дел од поттикот за купување акции. Во групата постара од 55 години, помалку од една четвртина планираат да ги потрошат „бесплатните државни пари“ за акции.

Поврзани вести

Рен Женгфеи: Huawei е подготвен да ја пренесе целата 5G технологија доколку некој побара

Влатко Зорба

Вината на „Тиквеш“ и „Tikveš Châteaux & Domainеs“ освоија седум медали на натпреварот „Мундус Вини“

msp-admin

Степенот на општествена одговорност кај македонските компании

Влатко Зорба