Стандард
КОМПАНИИ

Велика Британија размислува за повисоки даноци за компаниите кои профитираа во пандемијата

Британската влада размислува да ги зголеми даноците за технолошките компании и трговските компании преку Интернет, како што е Amazon.com, кои просперираа за време на пандемијата, објавија „Сандеј тајмс“ и „Блумберг“.

Овој месец, официјални лица од Министерството за финансии ги повикаа раководителите на технолошките и малопродажните компании да разговараат за тоа како ќе функционира „данокот на продажба преку Интернет“, според две протечени електронски пораки што ги виде изданието. Во исто време, владата планира „данок на прекумерна добивка“ за компаниите чиј профит нагло се зголеми заради кризата со КОВИД-19, пишува „Сандеј тајмс“.

Предложеното зголемување на даноците не се очекува да најде место во буџетот на 3 март, но може да се воведе подоцна оваа година, како дел од напорите за намалување на долгот на Велика Британија, изјавија високи владини претставници за „Сандеј тајмс“.

Бидејќи буџетскиот дефицит се очекува да достигне 400 милијарди фунти (550 милијарди американски долари) оваа година, министерот за финансии Риши Сунак е под притисок да се справи со дупката во буџетот и во исто време да не го задуши економското закрепнување.

Компаниите што би можеле да бидат погодени од еднократниот данок на КОВИД вклучуваат трговци на интернет како „Амазон“ и „Асос“, компании за испорака на храна како што се Ocado Group, Just Eat, Takeaway и Deliveroo, компании за доставување на пратки и големи супермаркети.

Веќе подолго време британските политичари зборуваат за потребата да им се помогне на физичките продавници кои се борат да се натпреваруваат со трговците преку Интернет, особено за време на пандемија. Сунак ги разгледуваше плановите за оданочување на продажбата преку Интернет минатиот јули, додека новите правила за ДДВ за трговците на Интернет ќе донесат дополнителни 300 милиони фунти (411 милиони американски долари), им рече на парламентарците висок британски даночен службеник во јануари.

Владата останува на своето предизборно ветување дека нема да ги зголеми даноците на плати и продажбата во буџетот за следниот месец, изјави извор за „Блумберг њуз“ минатата недела. Сунак ќе ја продолжи својата програма за присилна поддршка и другите програми за поддршка на бизнисот што треба да се објават во април и ќе објави политика насочена кон покажување на „придобивките од Брегзит“, според „Сандеј тајмс“.

Поврзани вести

ЛЕГЕНДАРЕН ИНВЕСТИТОР ПРЕДУПРЕДУВА: Берзите пред еден од НАЈГОЛЕМИТЕ ПАДОВИ во историјата

Влатко Зорба

Почна пресметката меѓу „Фолксваген“ и „Тесла“ вредна милијарди

msp-admin

Фондот одлучи: Објавени имињата на четирите банки преку кои ќе се обесштетат депонентите на Еуростандард банка

Никола Поповски
error: Превземањето на содржина без дозвола од авторот е дело казниво со закон!!!