СТАНДАРД life
КОМПАНИИ

WhatsApp губи корисници: Турција започнаа истрага, локалните апликации доживеаја бум

Турскиот регулатор за конкуренција денес објави дека покренал истрага против WhatsApp и неговиот сопственик на Facebook, откако апликацијата за пораки побара од корисниците да му дозволат на гигантот да ги собира нивните податоци, вклучувајќи телефонски броеви и локации.

Турската комисија за конкуренција во соопштението вели дека наредила веднаш да се прекине барањето за собирање податоци, сè додека не заврши истрагата.

WhatsApp ги ажурираше своите услови за користење минатата среда, дозволувајќи им на Facebook и неговите филијали да собираат кориснички податоци и го постави 8 февруари како краен рок за прифаќање на новите услови.

Конкурентните апликации за пораки во Турција, „Signal“ и „Telegram“ оттогаш бележат голем пораст на побарувачката.

Минатиот јули, турската влада донесе закон за посилна контрола врз социјалните мрежи, особено странските, со кои се воведоа нови ограничувања и казни за кршење на регулативите.

Критичарите тврдат дека законот ги гуши зборовите на оние Турци кои изразија несогласување со властите на социјалните мрежи, откако владата го зголеми своето влијание врз водечките медиуми во земјата.

Поврзани вести

Маск изгуби скоро 4 милијарди долари за еден ден

Влатко Зорба

HTC: Престанавме да создаваме иновации во паметните телефони

msp-admin

Брендот кој беше симбол на Словенија продаден по цена на гарсоњера

Влатко Зорба