Џони Деп проговори за товарот на славата во интервју за South China Morning Post, а на прашањето каде се чувствува најдобро, дал јасен одговор.
„Очигледно мојот живот е малку поинаков од животите на другите луѓе, во смисла дека копнеам да можам да излезам во светот и да ги искусам работите, да гледам работи, да одам во продавница, книжарници. Но, не можам“, тој кажа.
„Онаму каде што најмногу се чувствувам како себеси во целиот свет и каде одам да се чувствувам сосема нормално е моето место на Бахамите бидејќи тоа е остров и никој не ме гледа“, објасни тој.
„Треба да имате некое засолниште, безбедно место каде што можете да избегате од погледите и интересите на другите, место каде што можете само да седите на плажа, да читате, да сликате, да медитирате или што било, тоа е слобода за мене. Тоа е единствената вистинска слобода“, заклучи тој.