Германската канцеларка Ангела Меркел изјави денес дека не може да гарантира дека земјите-членки на ЕУ оваа недела ќе постигнат договор за Фондот за обнова од коронавирусот и повеќегодишниот буџет, имајќи предвид дека сè уште постојат разлики меѓу нив по тоа прашање.
– Ставовите остануваат поделени. Не можам да кажам денес дали ќе постигнеме договор во петок, рече Меркел за време на прес-конференцијата со италијанскиот премиер Џузепе Конте, пренесува Ројтерс.
Таа додаде дека Италија и Германија се согласиле за основната структура на предлогот на ЕУ, пренесува агенцијата.