На Десеттата авенија во Њујорк, човек по име Патрик Хјуз поседува две кафулиња – Hellcat Annie’s и Scruffy Duffy’s. Како и повеќето ресторани во светот, и тие се значително погодени од пандемијата, па наместо околу 50 денес вработуваат околу десет пати помалку луѓе, а повеќето од нив беа затворени минатата година. Хјуз, пак, виде дека друга индустрија напредува значително подобро, па затоа реши да се обиде да го искористи тоа. Тој најави дека би сакал да ги продаде своите кафулиња – доколку клиентот му плати во Bitcoin или Ethereum.
Затоа, и двете кафулиња можете да ги набавите ако префрлите 25 BTC или 800 ETH на крипто-сметката на нивниот сегашен сопственик, што во моментов е нешто помалку од милион долари. Мотивацијата на Хјуз е да „улови некој од крипто ликовите кои отсекогаш сакале да имаат свој бар“, објасни тој за „Њујорк Пост“.
Да се збогатите со криптовалути и да имате сопствен бар се прилично клише соништа за младите како што гледаме во холивудските филмови и американските ТВ серии, па не би било изненадувачки да се најде некој вид криптомилионер кој би сакал да си дозволи живот од соништата. Денес пред кафулето на Десеттата авенија има натпис со кој се најавува продажба на истото, а досега, наводно, повеќе лица го искажале интерес.
Продавачот не губи надеж. Тој вели дека иднината е во криптовалутите и се надева дека би можел да влезе во историјата на крипто-трговијата како првиот човек што продал кафуле исклучиво за некоја дигитална виртуелна валута.
My friend Pat is selling my favorite local bar for 25 Bitcoin. Pretty amazing.
"Two NYC bars could make US history by selling for Bitcoin" https://t.co/V8q3NRk03D via @nypost
— Fred (@FredSchwark) January 10, 2021