СТАНДАРД life
ЕКОНОМИЈА

Бесими: Имаме 50 милиони евра за петтиот пакет мерки, ако пандемијата потрае ќе имаме и пари и нови мерки

„Петтиот пакет со владини економски мерки е за платите за февруари и март, но со него се опфатени и други инструменти, како поволни кредити, но и други мерки. Во однос на ликвидноста имаме средства, добар ни е планот. Со сите наши политики до сега, како членството во НАТО и реформите за ЕУ, ликвиднста во буџетот не е во прашање, во добра кондиција сме и во однос на плати и во однос на вкупната економија, од јануари до 15 март годинава приходите во буџетот се поголеми од истиот период лани, во поглед на сите даноци, а немавме криза првите месеци од минатата година. Сето ова ни укажува дека планираниот раст од 4,1 отсто што го проектираме може и да го оствариме. Бројките одат кон тоа да се оствари нашето сценарио.“- изрази оптимизам министерот за финансии, Фатмир Бесими, во интервјуто на Сител.

Дополни дека 50 милиони евра од пакетот мерки се обезбедени, а остатокот од 50 милиони ќе се обезбеди преку ребаланс на буџетот.

„Во самиот буџет имаме предвидено и песимистичко сценарио во случај ако пандемијата потрае подолго. Но тогаш нема растот да ни биде 4,1 отсто, туку нешто помал. Но, за сега ова се само проекции, рано е да можеме да прецизни околу бројките. Ризици постјат, но важно е дека ние ги следиме и ќе преземеме и нови марки ако е потребно. Очекувам ребаланс на буџетот кон средина на годината.“- изјави Бесими.

Тој потсети на неодамнешната средба во Европската инвестициска банка од каде нашата држава очекува финансиска помош за развој на стопанството.

„Имавме успешна средба со Европската ивестициска банка и можеме да очекуваме поддршка од нивна страна на проектите и на стопанството, за да може да се мобилизира капиталот, се со цел да му се помогне на регионот, но и на нашата држава. Тема во разговорите беа и 100-те милиони евра наменети за приватните фирми за кредити, но зборувавме и за тоа дека во рамки на гарантниот фонд може да се вклучат од Европската банка за да се зголеми и да се помогне на економија. Инвестицискиот фонд има намера да се фокусирса на извозните компании преку поддршка на инструментите за развој.“- пренесе дел од разговорите со Европската инвестициска банка, министерот за финансии, Фатмир Бесими, во вестите на Сител.

Поврзани вести

Во петок, започнува со работа „Скопје Сити Мол“: Со највисоки светски стандарди фокусирани за безбедноста на здравјето на посетителите

МТВ, ЈСП и Водовод со најголема загуба, МЕПСО и Државни патишта со најголеми приходи

Влатко Зорба

Ангеловска: Ковид-19 го забрзува растот на е-трговијата