Стандард
ЕКОНОМИЈА

Испитувањето на вакцината против корона ја зголеми цената на нафтата

Цените на нафтата денеска скокнаа на највисоко ниво од март „на крилјата“ на позитивните вести за клинички испитувања на вакцината против вирусот Ковид-19 и договорот на лидерите на Европската унија за фондот за економско закрепнување од последиците од корона кризата.

Северноморската нафта „брент“ се зголеми за 1,27 долари на 44,55 долари по барел на тргување во Лондон околу пладне, што е најголем дневен скок од средината на јуни, од околу 2,9 проценти, пренесува Ројтерс.

Американската WTI нафта зајакната за 1,16 долари, достигнувајќи ниво од 41,97 долари за барел, истовремено забележајќи најголем пораст на дневна основа овој месец, од околу 2,8 проценти.

За порастот на цената на „црното злато“ придонесе договорот на лидерите на Европската унија за фонд вреден 750 милијарди евра (859 милијарди долари) за стимулирање на закрепнувањето на економијата погодена од кризата, што ги подобрува изгледите за раст на побарувачката за гориво.

Што се однесува до движењата на другите пазари на капитал, акциите на светските берзи и еврото исто така ги достигнаа своите највисоки нивоа во последните неколку месеци.

Договорот на европските лидери ѝ овозможува на Европската комисија да собере милијарди евра на пазарите на капитал во име на сите 27 земји-членки, што е невиден чин на солидарност во скоро седумдецениската историја на европските интеграции, пренесува Ројтерс.

Цените на нафтата беа поддржани и од вчерашните ветувачки податоци за тестирањето на вакцината против коронавирусот, кои предизвикаа оптимизам дека вакцината може да се произведува дури и оваа година.

Поврзани вести

Отворање фабрика на швајцарската компанија „Баумер“ во ТИРЗ Скопје 1

msp-admin

ЕУ постигна договор за пакетот помош вреден 750 милијарди евра

СКМ го менува називот во Стопанска комора на Северна Македонија

Влатко Зорба
error: Превземањето на содржина без дозвола од авторот е дело казниво со закон!!!