Компании и пазар

Преживеаните од холокаустот бараат од Закерберг построги мерки на Фејсбук

Поранешните преживеани од холокаустот ширум светот ги здружија силите денес во кампања со барање првиот човек на Фејсбук, Марк Закерберг да преземе мерки за отстранување на негирањето на геноцидот извршен од нацистите од страниците на таа социјална мрежа.

Кампањата #NoDeniingIt # бара од Закерберг да ги отстрани од таа социјална мрежа оние групи што го негираат холокаустот, како и страниците и објавите што содржат говор на омраза, пренесува „АП“.

Исто така се бара ваквите објави, фотографии и видеа да бидат отстранети од Инстаграм.

Закерберг се налути на многумина кога во 2018 година изјави дека мислењата што го негираат холокаустот не мора да бидат отстранети и дека сè додека не повикуваат на насилство и не прават штета, можат да бидат заштитени.

По протестот, Закерберг, кој исто така е и Евреин, објасни дека, иако тој лично го сметал „негирањето на холокаустот за длабоко навредливо“, тој верувал дека „најдобриот начин за борба против навредливиот говор е… добар говор“.

„Во Германија или Австрија, луѓето одат во затвор ако го негираат холокаустот“, рече еден преживеан, прашувајќи се како некој може да се сомнева во тоа.

Фејсбук во изјава соопшти дека ги отстранува постовите што го негираат холокаустот во земји каде што е нелегално, како што се Германија, Франција и Полска, додека во земји каде не станува збор за прекршок, како што се САД и Велика Британија, внимателно се следи за да се утврди дали ја преминува линијата на дозволеното.

На почетокот на јули, повеќе од 500 компании започнаа да избегнуваат рекламирање на Фејсбук со цел да ја принудат компанијата да заземе посилен став против говорот на омраза.

Поврзани вести

Во Викендот без ДДВ консатирани 15 прекршоци кај трговците во однос на цените

Влатко Зорба

Бизнис Мрежа од сега со бонитетни информации за компании од Србија, Хрватска, Црна Гора и Словенија

Влатко Зорба

ИутеКредит е првата естонска компанија која се најде во Генералниот Стандард на Франкфуртската Берза

Влатко Зорба

Изборите во САД донесоа голема победа за канабис индустријата

Stefanija Kuzmanovska

Халкбанк со инвестиција над 25.000 евра за поддршка на угостителскиот сектор

Берта Китинска

Huawei влезе во топ 10 највредни брендови според Brand Finance

Влатко Зорба