Стандард
ЕКОНОМИЈА

Најевтин мобилен интернет има во Израел, најскап во Екваторијална Гвинеја, а каде е С.Македонија?

Израел има најевтин мобилен интернет во светот, а меѓу 230 анализирани земји, Македонија е на 52-то место, објави Еурактив Србија, повикувајќи се на истражување на британскиот телекомуникациски портал.

Во Србија, еден гигабајт мобилни податоци чинат просечно 1,30 американски долари. Од земјите на Западен Балкан, само Северна Македонија има поевтин мобилен интернет од Србија (0,96 долари). Северна Македонија е на 52-то место, Црна Гора на 112-то (2,12$), Босна и Херцеговина на 126-то (2,39$), Албанија на 141-то (2,80$). Хрватска е на 122-то место со 2,35 долари за гигабајт.

Просечната цена на еден гигабајт мобилни податоци во Израел е 0,05 долари, а најскапиот мобилен интернет, со 49,6 долари за гигабајт, е во Екваторијална Гвинеја. На второ место е Киргистан, каде еден гигабајт мобилни податоци чинат просечно 0,15 $, а на трето место се Фиџи, со 0,19 $ по гигабајт.

На четвртото место е Италија, која има најевтин мобилен интернет во Западна Европа. Италијанците во просек плаќаат 0,27 долари за гигабајт мобилни податоци. Следат Франција (0,41$), Сан Марино (0,43$) и Данска (0,79$).

Поврзани вести

„Адора“ и Фондацијата „Новак Ѓоковиќ“ ќе соработуваат за реставрација на детска градинка

Влатко Зорба

Макам Транс: Стопанството е максимално рането, пратениците да имаат доблест и да гласаат против еколошката такса

Влатко Зорба

Од денеска нема царина за малите пратки во вредност до 90 евра

msp-admin