Стандард
ЕКОНОМИЈА

НУК денес ќе го издаде првиот сертификат и безбедносен печат „SAFE TRAVELS“

На покана и барање на Здружението за туризам и угостителство Охридски ЕСНАФ во Хотел СУ, Охрид во периодот од 11:00 до 17:00 часот, Независната угостителска комора – НУК ќе ги презентира на Охридските и Струшките угостители начините и бенефитите од стекнување на правото за користење на сертификатите ЧИСТО И БЕЗБЕДНО (CLEAN & SAFE) и SAFE TRAVELS. Во текот на денот од страна на комисијата на НУК ќе биде направена првата физичка проверка и ќе биде издаден официјално првиот сертификат и безбедносен печат SAFE TRAVELS за членките на НУК.

За време на презентацијата ќе биде презентиран и начинот за стекнување со правото за добивање на премиум златен сертификат ЧИСТО И БЕЗБЕДНО “COVID-19 SAFE ZONE” (Ковид-19 безбедна зона) заедно со Генералниот покровител на кампањата ЧИСТО И БЕЗБЕДНО кој го застапува лидерот во светот на прочистувачи на воздух шведскиот бренд BLUAIR со новата линија HEALTPROTECT.

Со презентацијата на начините за стекнување на сертификатите пред Охридско-Струшките угостители ќе бидат презентирани и првите прочистувачи кои го елиминираат живиот SARS-COV-2 вирус од воздухот како и бенефитите од нивното користење и имплементирање во угостителските објекти.

Угостителски објекти (ресторани, кафетерии, барови, клубови, хотели, мотели и останати сместувачки објекти од мал обем) сега имаат можност да се здобијат со национален ЧИСТО И БЕЗБЕДНО и интернационален сертификат SAFE TRAVELS со кои се верификува дека во нивните угостителски објекти во целост се спроведуваат, практикуваат и почитуваат националните и глобалните препораки за превенција и заштите во ширењето на пандемијата со Ковид-19.

На овој начин угостителите преку единствени процедури кои ги обединуваат сите препораки дадени од Светската здравствена организација, како и препораките кои се применуваат во соседството и Европската унија, заедно со протоколите за работа дадени од Комисијата за заразни болести, насоките и препораките за справување и спречување на ширењето на вирусот Ковид-19 од Министерството за здравство и Владата можат да извршат проверка и да го усогласат своето работење со цел да се здобијат со глобално признаени сертификати со кои на домашните и странските гости им се гарантира поголема безбедност во посетата на овие објекти. Добивањето сертификат ЧИСТО И БЕЗБЕДНО и SAFE TRAVELS е од посебно значење не само за време на пандемијата Ковид-19, туку и за постковид периодот, затоа што не само локалните гости туку и на останатите потенцијални туристи и посетители на Македонија на овој начин сакаме да им укажеме дека сме тука да се грижиме за нивната сигурност и здравје при нивната посета и престој во македонските угостителски објекти.

Сертификацијата и добиените електронски печати угостителите можат да ги користат во своите рекламни материјали, на социјалните мрежи, на своите веб страни во електронска форма, како и на влезните врати на самите угостителски објекти. На овој начин се стекнува единствена потврда дека угостителските објекти исполниле не само локални стандарди туку дека исполнуваат и многу глобални стандарди за превенција и заштита на личното здравје, поготово од Ковид-19 со што можат слободно на своите гости да им гарантираат чист, безбеден и пријатен престој како по дома.

Угостителите и сопствениците на сместувачки капацитети од мал обем за време на еднодневната презентација ќе имаат можност веднаш на лице место да ги пополнат апликациите и угостителскиот објект да го сертифицираат и да се стекнете со правото на користење на сертификатите ЧИСТО И БЕЗБЕДНО – CLEAN AND SAFE и SAFE TRAVELS.

Поврзани вести

Шест месеци одложено плаќање за сите обврски, нуди Стопанска банка

Берта Китинска

ММФ ќе разгледа „специјални мерки“ со цел да им помогне на земјите да се изборат со пандемијата

Богатството на најбогатиот човек во светот Џеф Безос достигна рекордни 180 милијарди американски долари