СТАНДАРД life
ЕКОНОМИЈА

Се зголемува финансиската поддршка за занаетчиите

На предлог на Министерството за економија Владата денеска ги усвои измените на Програмата за конкурентност, иновации и претприемништво со што се зголемија средствата за поддршка на занаетчиите.

-Финансиската поддршка за мерката за набавка на алати и репроматеријали за занаетчиите се зголемени од претходно предвидените 12 милиони денари на 20 милиони денари. Исто така со измените на Програмата зголемена е и финансиската поддршка по апликант, соопшти Министерството за економија.

Имено, со оваа мерка сега се предвидува надоместување на 60 проценти од трошоците на занаетчиите или максимум 60.000 денари направени за набавка на алати и репроматеријали по апликант. Претходно беше предвидена финансиска поддршка од максимум 30.000 денари по апликант.

Право на учество ќе имаат занаетчии регистрирани согласно Законот за занаетчиство и ги исполнуваат условите кои ќе бидат дефинирани во Јавниот повик кој, според ресорното Министерство, ќе биде објавен во наредните денови по усвојувањето на ребалансот на Буџетот.

Поврзани вести

Почнува стечајното рочиште за Еуростандард Банка

САД: Расте бројот на невработени, уште 778.000 лица бараат државна помош

Stefanija Kuzmanovska

На банките им должиме 353,3 милијарди денари

Влатко Зорба