Скопје дефинитивно ќе има БРТ – „Бас Рапид Транзит“, сподели на својот фејсбук профил градоначалникот на Скопје, Петре Шилегов.
Популарно наречено „автобуско Mетро“ годинава почнува да станува реалност. Екипи на Град Скопје деноноќно работат на овој долгогодишен скопски сон, напиша скопскиот градоначалник.
– Со Бас Рапид Транзит ќе овозможиме траса која ќе биде физички издвоена од останатиот сообраќај. Ова е проект на Град Скопје, коj е финансиран од Владата, кој обезбедува многу побрз и побезбеден транспорт, и со тоа и намалување на загадувањето во воздухот, додава Шилегов.