СТАНДАРД life
ЕКОНОМИЈА

Во март биле „завртени“ над 2.7 милијарди денари на Македонската берза

Скоро 34% од прометот на Македонска берза е реализиран во март, покажува Годишниот билтен на берзата.

Според податоците, анализирано по месеци, најголем процент од 33,99% отпаѓа на тргувањето во март. Тогаш биле „завртени“ 2.785.792.356 денари. Најголем дел од нив или 63,73% се блок трансакции (1.301.357.421 денари), а остатокот е од класично тргување (1.484.434.935 денари).

Извештајот нотира дека “најслаб“ месец минатата година на берзата беше ноемри со само 3,82% удел во годишниот промет или 313.231.357 денари.

Вкупниот промет лани беше 8.195.475.839 денари, од кои на класично тргување отпаѓаат 5.987.273.498 денари, на блок трансакции нешто повеќе од две милијарди денари, а на јавни понуди 166,2 милиони денари.

Пазарната капитализација во периодот јануари – декември лани беше 183.150.945.751 денар, што е за 1,22% помалку одошто во 2019 година. Прометот лани беше за 6,43% понизок од 2019 година или 8.195.475.839 денари.

На берзата, според годишниот статистички билтен, се реализирани 22.689 трансакции, што е за 20,19% повеќе во споредба со 2019 година. Пораст на годишна основа од 1,20% има кај индексот МБИ 10, што се позиционираше на 4.704,85 поени.

Поврзани вести

Субвенции за печки на палети ќе добијат 454 граѓани

Зошто многумина не ја почитуваат самоизолацијата?

Stefanija Kuzmanovska

Ангеловска: Само пет отсто од компаниите се основани од жени

msp-admin