Стандард
КОМПАНИИ

Абу Даби цели на водородот како гориво за иден извоз

Три најголеми компании поддржани од владата во Абу Даби се согласија да работат заедно за да го претворат емиратот богат со нафта во извозник на син и зелен водород.

Mubadala Investment, Abu Dhabi National Oil и ADQ склучија сојуз за производство на водород користејќи природен гас и обновливи извори на енергија. Произведениот водород ќе се нуди во странство, како и во Обединетите Арапски Емирати, се вели во соопштението на ADQ, цитирано од „Блумберг“.

За син се смета водородот, произведен од фосилни горива, како што е природен гас, но прочистен од СО2 со употреба на технологии за зафаќање и складирање на јаглерод. Од друга страна, зелениот водород се произведува со електролиза од ветер и сончева енергија.

Некои земји од Блискиот исток кои го градеа своето богатство на нафта, сакаат да развијат водород како гориво, со оглед на промената на расположението кај некои од нивните купувачи кон помалку загадувачки алтернативи на суровата нафта. Министерот за енергетика на Саудиска Арабија изјави дека сака кралството – најголемиот извозник на нафта во светот – да стане најголемиот снабдувач на водород во светот.

Како и Саудиска Арабија, Абу Даби произведува природен гас што би можел да го искористи за производство на таканаречен син водород. Исто така, има доволно сонце што може да го искористи за да развие варијанта наречена зелен водород. Абу Даби е главен град и најголем емират во ОАЕ.

Поврзани вести

Луѓе кои треба да ги држите подалеку од бизнисот

msp-admin

Шокантен пресврт за златото: Омиленото прибежиште брзо ја губи својата вредност

Влатко Зорба

„Фолксваген“ со загуба од 800 милиони евра во првата половина од годината

msp-admin
error: Превземањето на содржина без дозвола од авторот е дело казниво со закон!!!